ନିମାପଡା:୧୯/୧୨ (ଏସ.ଏନ.ଏସ.) ନିମାପଡା ଓମଫେଡ ଛକସ୍ଥିତ ଦଳୀୟ କାର୍ଯ୍ୟାଳୟରେ ଗତ ଶନିବାର ଦିନ ମିଶ୍ରଣ ପର୍ବ ବରିଷ୍ଠ ନେତା ଦିଲୀପ ନାୟକଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି । ଗୋପ ବ୍ଲକ ଅନ୍ତର୍ଗତ ସରପଞ୍ଚ ସନ୍ତୋଷ ବରାଳ, ବଣିଆସାହି ପଂଚାୟତ ବିଜେପି ସଭାପତି ରଘୁନାଥ ବିଶ୍ୱାଳ, ଅର୍ଜୁନ ଭୋଇ, ମହେଶ୍ୱର ଶଗଡ଼ିଆ , ସବିତା ପାତ୍ରଙ୍କ ନେତୃତ୍ୱରେ ବଣିଆସାହି ଗ୍ରାମର ତିରିଶି ପରିବାର ଅନ୍ୟ ଦଳରୁ ଆସି ବିଜପିରେ ମିଶିଛନ୍ତି । ଧନୁ ବିଶ୍ୱାଳ, ଗିରିଧାରୀ କାଣ୍ଡି, ଭାନୁମତୀ କାଣ୍ଡି, ଅମିନ ଭୋଇ, ଗଙ୍ଗାଧର ଭୋଇ, ଯମୁନା ବରାଳ, ମନୋରଞ୍ଜନ ବରାଳ, ବିଦୁଲତା ବେହେରାଙ୍କ ସମେତ ତିରିଶି ପରିବାର ବିଜପିରେ ଆନୁଷ୍ଠାନିକ ଭାବେ ଯୋଗଦେଇଛନ୍ତି । ଆୟୋଜିତ ମିଶ୍ରଣ ପର୍ବରେ ମଣ୍ଡଳ ସଭାପତି ମାନସ ପ୍ରଧାନ, ଜିଲ୍ଲା ପରିଷଦ ସଭ୍ୟ ପ୍ରମୋଦ ରାୟ, ସଂଯୋଜକ ପ୍ରଦୀପ ନାୟକ, ପୂର୍ବତନ ନଗରପାଳ ଅଜୟ ଭୋଇ, ଶ୍ୟାମ ସୁନ୍ଦର ସାହୁ, ପୂର୍ବତନ ସରପଞ୍ଚ ଅକ୍ଷୟ ପଢ଼ିଆରୀ ପ୍ରମୁଖ ଉପସ୍ଥିତ ଥିଲେ । ନୂତନ କର୍ମୀମାନଙ୍କୁ ବିଜେପି ନେତା ଦିଲୀପ ନାୟକ ଦଳୀୟ ଉତ୍ତରୀୟ ଫୁଲତୋଡ଼ା ଦେଇ ସ୍ୱାଗତ କରିଥିଲେ ।
