sambhava news : 11.30 a.m.୧୭/୦୬/୨୦୨୪:(ଏସ.ଏନ.ଏସ.):ପ୍ରବଳ ଗରମ ଓ ଗୁଳୁଗୁଳି ଯୋଗୁଁ ସ୍କୁଲ ଛୁଟି ବୃଦ୍ଧି ନେଇ ସରକାର ବହୁତ ବଡ଼ ନିଷ୍ପତ୍ତି ନେଇପାରନ୍ତି । ଏହା ଉପରେ ତର୍ଜମା ଚାଲିଛି । ଖୁବ ଶୀଘ୍ର ସ୍କୁଲ ବୃଦ୍ଧି ନେଇ ନିଷ୍ପତ୍ତି ସରକାର ନେବାକୁ ଯାଉଛନ୍ତି । ଅପରାହ୍ନରେ ଗଣଶିକ୍ଷା ବିଭାଗ ପକ୍ଷରୁ ଗୁରୁତ୍ୱପୂର୍ଣ୍ଣ ବୈଠକ ବସିବାକୁ ଯାଉଛି । ଏହି ବୈଠକରେ ସ୍କୁଲ ଖୋଲିବା ନେଇ କଣ ନିଷ୍ପତ୍ତି ନିଆଯାଉଛି ତା ଉପରେ ନଜର ରହିଛି ।
ସେପଟେ ଓଷ୍ଟା ପକ୍ଷରୁ ରୌଦ୍ରତାପ ବୃଦ୍ଧି ପାଉଥିବାରୁ ସ୍କୁଲ ଖୋଲିବା ତାରିଖ ଘୁଞ୍ଚା ଯାଉ ବୋଲି ଦାବି କରିଛି । ସାରା ରାଜ୍ୟରେ ରୌଦ୍ରତାପ ବୃଦ୍ଧି ସାଙ୍ଗକୁ ଅସ୍ୟହ ଗୁଳୁଗୁଳି ହେଉଥିବାରୁ ସ୍କୁଲ ତାରିଖ ଘୁଞ୍ଚାଇବା ପାଇଁ ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଙ୍ଘ ( ଓଷ୍ଟା ) ପକ୍ଷରୁ ସାଧାରଣ ସମ୍ପାଦକ ରଞ୍ଜନ କୁମାର ଦାଶ ଏକ ପ୍ରେସ୍ ବିବୃତିରେ କହିଛନ୍ତି । ସେ କହିଛନ୍ତି ସମଗ୍ର ଓଡ଼ିଶାରେ ଅସ୍ୟହ ଗୁଳୁଗୁଳିକୁ ଆଖିରେ ରଖି ଧାର୍ଯ୍ୟ କରାଯାଇଥିବା ସ୍କୁଲ ଖୋଲିବା ତାରିଖକୁ ଘୁଞ୍ଚାଯାଉ । ଅସ୍ୱାଭାବିକ ପାଣିପାଗକୁ ଦୃଷ୍ଟିରେ ରଖି ତାପମାତ୍ରା ହ୍ରାସ ନହେବା ପର୍ଯ୍ୟନ୍ତ ସ୍କୁଲ ବନ୍ଦ ରଖିବା ପାଇଁ ସରକାରଙ୍କୁ ଓଷ୍ଟା ପକ୍ଷରୁ ଅନୁରୋଧ କରଯାଇଛି ।
ଅଲ ଓଡିଶା ପ୍ରାଇଭେଟ ଷ୍ଟେଟ ଆସୋସିଏସନ (AOPSA ) ଓଡିଶା ପକ୍ଷରୁ ମଧ୍ୟ ସ୍କୁଲ ଛୁଟି ବଢେଇବା ପାଇଁ ସରକାରଙ୍କୁ ଅନୁରୋଧ କରାଯଇଛି ।
ସ୍କୁଲ ମାନଙ୍କରେ ମଧ୍ୟ ପ୍ରସ୍ତୁତି ଆରମ୍ଭ କରାଯାଇଛି । ସ୍କୁଲ ପରିସର ସମେତ ଶ୍ରେଣୀଗୃହ,ରୋଷେଇ ଘର, ଶୌଚାଳୟକୁ ପରିଷ୍କାର କରାଯାଉଛି । ଗଣଶିକ୍ଷା ବିଭାଗ ତରଫରୁ ସ୍କୁଲର କୋଠାଘର,ଶ୍ରେଣୀଗୃହ, ଶୌଚାଳୟ , ସେଫଟି କମିଟି ,ଅଗ୍ନି ନିର୍ବାପକ ଯନ୍ତ୍ର ଇତ୍ୟାଦିର ବିବରଣୀ ପ୍ରଦାନ କରିବାକୁ ସମସ୍ତ ସ୍କୁଲମାନଙ୍କର ପ୍ରଧାନଶିକ୍ଷକମାନଙ୍କୁ ନିର୍ଦ୍ଦେଶ ଦିଆଯାଇଛି । ସ୍କୁଲରେ ଶିକ୍ଷକ,ଶିକ୍ଷୟତ୍ରୀଙ୍କ ସମେତ ପାଚିକା ଆଦିଙ୍କୁ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି ।
I have earned over Rs 5000 using EarnKaro.com. Try it now, it is a ZERO investment App to earn money from home. Just share amazing deals & earn maximum profits!
