ଗୋପ :- ୧୪/୧୦ ( ଏସ.ଏନ.ଏସ,) ପୁରୀ ଜିଲ୍ଲା ଗୋପ ବ୍ଳକ କୁଆଁପଡା ପଞ୍ଚାୟତ ଓରୁଆଳି ଗାଁରେ ଏକ ବାଲି ବୋଝେଇ ଟ୍ରକ ଡାଇଭରକୁ ବଞ୍ଚାଇବାକୁ ଯାଇ ଓରୁଆଳ ଗ୍ରାମର ବିପ୍ରବର ପ୍ରଧାନ ( ୪୫ ) ମୃତ୍ୟୁ ବରଣ କରିଛନ୍ତି । ପ୍ରକାଶ ଯେ ରାସ୍ତା ନିର୍ମାଣ ପାଇଁ ଆସିଥିବା ବାଲି ବୋଝେଇ ଟ୍ରକ ଡାଲା ଟେକି ବାଲି ଢାଲିବା ବେଳେ ୧୧ କେବି ବିଦ୍ୟୁତ୍ ତାର ରେ ଲାଗିଥିଲା। ସେହି ବାଟ ଦେଇ ଘରକୁ ଫେରୁଥିବା ବିପ୍ରବର ପ୍ରଧାନ ନଜର ଵିଦୁତ ତାର ଉପରେ ପଡିଥିଲା।କାଳେ ବିଦୁତ ଲାଗି ଡ୍ରାଇଭର ଜଣଙ୍କର କିଛି କ୍ଷତି ହୋଇଯିବ ଭାବି ସେ ତୁରନ୍ତ ଟ୍ରକକୁ ହାତରେ ବାଡେଇ ଥିଲେ । ଫଳରେ ଟ୍ରକରେ ଲାଗିଥିବା ବିଦୁତ ଦ୍ବାରା ତାଙ୍କର ମୃତ୍ୟୁ ହୋଇଥିବା ଦେଖିବାକୁ ମିଳିଛି। ଅପରପକ୍ଷରେ ଟ୍ରକରୁ ଡ୍ରାଇଭର ଡେଇପଡି ନିଜକୁ ବଞ୍ଚାଇ ପାରିଥିବା ଜଣାପଡିଛି। ଡ୍ରାଇଭରକୁ ବଞ୍ଚାଇବାକୁ ଯାଇ ନିଜ ଜୀବନ ହରାଇଲେ ବିପ୍ରବର ପ୍ରଧାନ। ଗୋପ ପୋଲିସ ଘଟଣା ସ୍ଥାନରେ ପହଞ୍ଚି ଶବକୁ ଜବତ କରି ତଦନ୍ତ ଚଳାଇଛନ୍ତି। ପରିବାର ପକ୍ଷରୁ ବିଦ୍ୟୁତ୍ ବିଭାଗକୁଦାୟୀ କରିବେ ସହ କ୍ଷତି ପୂରଣ ପାଇଁ ଦାବି କରିଛନ୍ତି ।
