ଗୋପ :-୧୮/୧୨ (ଏସ.ଏନ.ଏସ.) କେନ୍ଦ୍ର ଓ ରାଜ୍ୟ ସରକାରଙ୍କ ଗାଇଡି ଅନୁସାରେ ମାଟି ଚାଳ ଘରେ ଥିବା ବ୍ୟକ୍ତି କୁ ଆବାସ ଯୋଜନା ହକଦାର ଥିବାବେଳେ ସେମାନଙ୍କୁ ଘର ଦେବା ପାଇଁ ପ୍ରଶାସନ ଟାଳଟୁଳ ନୀତି ଅବଲମ୍ବନ କରୁଅଛି । ପ୍ରକାଶ ଯେ ନୟା ହାଟ ଫାଣ୍ଡି ଅନ୍ତର୍ଗତ ବଉଲାଙ୍ଗ ପଞ୍ଚାୟତ କରମଙ୍ଗା ଗ୍ରାମର ଲିଙ୍ଗରାଜ ପ୍ରଧାନ ତାଙ୍କର ୪ ବଖରା ମାଟି ଚାଳ ଘରେ ଲିଙ୍ଗରାଜର ପରିବାର ବାସ କରନ୍ତି ।ଲିଙ୍ଗରାଜ ପରିବାର ପୋଷଣ କରିବା ପାଇଁ ଏକ ଦଦରା ଭଙ୍ଗା ଅଟୋ ଚଲାଇ ଚଳେ ।ଲିଙ୍ଗରାଜ ର ଆଦୌ ଚାଷ ଜମି ନାହିଁ ।ଯେଉଁ ଦିନ ଭଡା ନ ମିଳେ ସେଦିନ ଚୁଲି ଜଳେନି ।ତାଙ୍କର ଏହି ଦୁଃଖର କଥା କାନ୍ଦି ପକାନ୍ତି । ଏ ଦିଗରେ ପୁରୀ ଜିଲାପାଳ ଓ ଗୋପ ବିଡ଼ିଓ ସଠିକ ତଦନ୍ତ କରି ଏହି ବ୍ୟକ୍ତି କୁ ଆବାସ ଘର ଦେବା ପାଇଁ ଅଞ୍ଚଳବାସୀ ଦାବି କରିଛନ୍ତି ।
