ଅଡ଼ଶପୁର:-୦୮/୧୦ (ସ.ନ .ସ ) କଟକ ଜିଲ୍ଲାର ଅଡ଼ଶପୁରଠାରେ ଥିବା ଉଦୟନାଥ ସ୍ୱୟଂଶାସିତ ବିଜ୍ଞାନ ଓ ବୈଷୟିକ ମହାବିଦ୍ୟାଳୟର ପରିଚାଳନା ପରିଷଦ ଗଠନ ହୋଇଛି । ରାଜ୍ୟସରକାରଙ୍କ ଅନୁମୋଦନକ୍ରମେ ସ୍ୱର୍ଗତ ତ୍ରିଲୋଚନ କାନୁନଗୋଙ୍କ ପତ୍ନୀ ପ୍ରଫେସର ଅଗସ୍ତି ମହାନ୍ତି ପରିଷଦର ନୂତନ ଅଧକ୍ଷା ଭାବରେ କାର୍ଯ୍ୟଭାର ଗ୍ରହଣ କରିଛନ୍ତି । ଡାକ୍ତର ଵୃଷକେତୁ ମହାନ୍ତି , ବିନୋଦ ଚନ୍ଦ୍ର ରାଉତରାୟ , ପ୍ରଫେସର ଏଲ .ପି .ସିଂ ଓ ପ୍ରଫେସର ପି.ବି.ତ୍ରିପାଠୀ ପରିଚାଳନା ସଦସ୍ୟ ରହିଥିଲାବେଳେ ଡ଼ଃ.କୃପାସିନ୍ଧୁ ପ୍ରଧାନ , ଅଧ୍ୟାପିକା ସୁଜାତା ମିଶ୍ର, ସୁଶାନ୍ତ କୁମାର ମହାନ୍ତି ଓ ପ୍ରଫେସର ଡ଼ଃ.ନିବେଦିତା ଜେନା ସାଧାରଣ ସଦସ୍ୟ ଭାବେ ରହିଛନ୍ତି । ପ୍ରକାଶିତ ବିଜ୍ଞପ୍ତିରେ ଉଚ୍ଚଶିକ୍ଷା ବିଭାଗର ଉପ ନିର୍ଦ୍ଦେଶିକା ଡ଼ଃ.ମମତା ପଣ୍ଡା ଓ ଉତ୍କଳ ବିଶ୍ୱବିଦ୍ୟାଳୟର ସିଡିସି ନିର୍ଦ୍ଦେଶକ ସଦସ୍ୟ ଓ କଲେଜ ଅଧକ୍ଷ ସମ୍ପାଦକ ସଦସ୍ୟଭାବେ ପରିଷଦକୁ ମନୋନୀତ ହୋଇଥିବା ପ୍ରକାଶ ପାଇଛି । ଡ଼ିଗ୍ରୀ କଲେଜ ଅଧକ୍ଷ ପଦବୀରେ ନିଯୁକ୍ତି ପାଇଁ ବରିଷ୍ଠତା ଓ ଅଭିଜ୍ଞତା ଭିତିରେ ଅଧ୍ୟାପକ ଓ ଅଧ୍ୟାପିକାମାନଙ୍କ ନାମ ତାଲିକା ଓ ଯୋଗ୍ୟତା ପ୍ରମାଣପତ୍ର ସାତ ଦିନ ମଧ୍ୟରେ ପ୍ରେରଣ କରିବାକୁ ଉଚ୍ଚଶିକ୍ଷା ବିଭାଗ ସ୍ୱତନ୍ତ୍ର ସଚିବ ନିର୍ଦ୍ଦେଶ ଜାରି କରିଛନ୍ତି ।
