ଭୁବନେଶ୍ୱର: ରବିବାର ଦିନ ଭଗବାନ ସୂର୍ଯ୍ୟଙ୍କର ପୂଜାର୍ଚ୍ଚନା କରାଯାଏ । ଜ୍ୟୋତିଷ ଶାସ୍ତ୍ରରେ ତାଙ୍କୁ ସମସ୍ତ ଗ୍ରହର ରାଜା ବୋଲି ବିବେଚନା କରାଯାଏ । ସୂର୍ଯ୍ୟ ଭଗବାନଙ୍କ କୃପାରୁ ଜଣେ ବ୍ୟକ୍ତି ଜୀବନରେ ବହୁତ ଅଗ୍ରଗତି କରେ ଏବଂ ସର୍ବଦା ସୁସ୍ଥ ରହିଥାଏ ।
ଯଦି ଆପଣଙ୍କ ରାଶିରେ ସୂର୍ଯ୍ୟ ଶୁଭ ସ୍ଥିତିରେ ଅଛନ୍ତି, ତେବେ ଜୀବନରେ ସୁଖ, ଧନ ଏବଂ ଖ୍ୟାତି ବୃଦ୍ଧି ପାଇଥାଏ । ଅନ୍ୟପକ୍ଷରେ, ଯଦି କୌଣସି ରାଶିରେ ସୂର୍ଯ୍ୟ ଦୁର୍ବଳ ଅଛନ୍ତି ତେବେ ତେବେ ବ୍ୟକ୍ତି ଅସୁସ୍ଥ ରହିଥାଏ ଏବଂ ସର୍ବଦା ଆର୍ଥିକ ସଙ୍କଟ ଲାଗି ରହିଥାଏ । ରବିବାର ଦିନ କିଛି ବିଶେଷ ପୂଜାର୍ଚ୍ଚନା କରନ୍ତୁ ଯାହା ଆପଣଙ୍କ ଭାଗ୍ୟ ବଦଳାଇଦେବ ।
1- ରବିବାର ଦିନ ଏକ ଘିଅ ଦୀପ ଜଳାନ୍ତୁ । ଘର ଦ୍ୱାରର ଉଭୟ ପାର୍ଶ୍ୱରେ ଦେଶୀ ଘିଅ ଦୀପ ଜଳାଇବା ଉଚିତ୍ । ବିଶ୍ୱାସ ରହିଛି ଯେ, ରବିବାର ଦିନ ଘର ବାହାରେ ଘିଅ ଦୀପ ଜାଳିବା ଦ୍ୱାରା ସୂର୍ଯ୍ୟ ଏବଂ ମାଆ ଲକ୍ଷ୍ମୀ ପ୍ରସନ୍ନ ହୋଇଥାନ୍ତି ଏବଂ ଆପଣଙ୍କ ଆର୍ଥିକ ସମସ୍ୟା ଦୂର ହୋଇଥାଏ ।
2-ରବିବାର ଦିନ ଘରୁ ବାହାରକୁ ଯିବା ସମୟରେ ନିଜ କପାଳରେ ଚନ୍ଦନ ଟିକା ଲଗାନ୍ତୁ । ବିଶ୍ୱାସ କରାଯାଏ ଯେ ଏହା କରିବା ଦ୍ୱାରା ପ୍ରତ୍ୟେକ କାର୍ଯ୍ୟରେ ସଫଳତା ମିଳିଥାଏ ।
3- ରବିବାର ଦିନ ନାଲି ରଙ୍ଗର ପୋଷାକ ପିନ୍ଧିବା ମଧ୍ୟ ବହୁ ଶୁଭ ମନେ କରାଯାଏ । ସେଥିପାଇଁ ଏହି ଦିନ କେବଳ ଲାଲ ରଙ୍ଗର ପୋଷାକ ପିନ୍ଧି ସୂର୍ଯ୍ୟ ଭଗବାନଙ୍କ ପୂଜାର୍ଚ୍ଚନା କରନ୍ତୁ । ଏହି ଦିନ ଗୁଡ଼, କ୍ଷୀର, ଚାଉଳ ଏବଂ ପୋଷାକ ଦାନ କରାଯିବା ଉଚିତ୍ ।
4- ରବିବାର ଦିନ ବୋହି ଯାଉଥିବା ପାଣିରେ ଗୁଡ଼ ଏବଂ ଚାଉଳକୁ ମିଶାଇ ଭସାଇବା ଦ୍ୱାରା ମଧ୍ୟ ଶୁଭ ଫଳ ମିଳିଥାଏ । ଜ୍ୟୋତିଷ ଶାସ୍ତ୍ର ଅନୁସାରେ, ଏପରି କରିବା ଦ୍ୱାରା ସୂର୍ଯ୍ୟ ଭଗବାନଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ ଏବଂ ସମସ୍ତ ଅଟକି ରହିଥିବା କାର୍ଯ୍ୟ ସମାପ୍ତ ହୋଇଥାଏ ।
5- ରବିବାର ଦିନ ସୂର୍ଯ୍ୟ ଭଗବାନଙ୍କ ସହିତ ଦେବୀ ଲକ୍ଷ୍ମୀଙ୍କର ମଧ୍ୟ ପୂଜାର୍ଚ୍ଚନା କରାଯାଏ । ରବିବାର ଦିନ ମହାଲକ୍ଷ୍ମୀଙ୍କ ମନ୍ତ୍ର ଜପ କରିବା ଉଚିତ୍ ।
